މިހާރު ކުރިއަށްދާ ސޮނީ ސްޕޯޓްސް ގޯލްޑެން ފުޓްސަލް ޗެލެންޖް 2023 ގައި ރ.އަތޮޅު ބުރުގެ ފައިނަލަށް އިނގުރައިދޫ އަދި ދުވާފަރު ދަތުރުކޮށްފިއެވެ. މިދެޓީމުވެސް ފައިނަލް ދަތުރުކޮށްފައިވަނީ މިހާތަނަށް ކުޅުނު ތިން މެޗުންވެސް މޮޅުވެގެންނެވެ.

އެގޮތުން އިނގުރައިދޫ އިން ވަނީ އިންނަމާދޫ އަތުން 8-0 ން މޮޅުވެފައެވެ. އަދި މީދޫއަތުން 7-1 ގެ ނަތީޖާއަކުން މޮޅުވެފައިވާއިރު، އިނގުރައިދޫ ވަނީ 3-0 އަލިފުށިވެސް ބަލިކޮށްފައެވެ.

ދުވާފަރު ކުޅުނު މެޗުތަކަށް ބަލާއިރު، އެޓީމުން ވަނީ ރ. މީދޫ 6-1 އިން ބަލިކޮށްފައެވެ.އަދި އިންނަމާދޫއަތުން 5-1 ގެ ނަތީޖާއަކުން މޮޅުވެފައިވާއިރު، ދުވާފަރު ޓީމުން ވަނީ 1-0 އިން އަލިފުށިވެސް ބަލިކޮށްފައެވެ.

މިމުބާރާތުގެ ގްރޫޕް ސްޓޭޖުގައި ކޮންމެ ޓީމަކަށްވެސް ބާކީ އެއްމެޗު އޮތް ނަމަވެސް ފައިނަލަށް ދަތުރުކުރި ދެޓީމު މިހާރުމިވަނީ ޔަގީންވެފައެވެ.