ލޯކަލް ގަވަރމަންޓް އޮތޯރިޓީ (އެލް.ޖީ.އޭ) އިން ހޮވި 2021 ވަނަ އަހަރުގެ ލޯކަލް ކައުންސިލް ޕަރފޯމަންސް އިންޑެކްސް ރޭންކިންގގައި އަލިފުށި ކައުންސިލު 101 ވަނައިގައި ހިމެނިއްޖެއެވެ. ކައުންސިލްތަކުގެ ބެލެނިވެރި ފަރާތް ކަމުގައިވާ އެލް.ޖި.އޭ އިން އާންމުކުރި މައުލޫމާތުގައި ވާގޮތުން ރ އަތޮޅު ކައުންސިލު ހިމެނިފައިވަނީ މި ރޭންކިންގގެ 7 ވަނައިގައެވެ. އަދި މި ރޭންކިންގގައި ރ އަތޮޅުގެ އެންމެ ކުރި ހޯދި ފައިނު ކައުންސިލު ހިމެނިފައިވަނީ 10 ވަނައިގައެވެ.
އަތޮޅު ކައުންސިލުތަކުގެ ތެރެއިން ރޭންކިންގގެ އެއްވަނަ ށ އަތޮޅު ކައުންސިލު ހޯދާފައިވާއިރު، އެއްވަނައިގައި ހިމެނުނު ރަށު ކައުންސިލަކީ އއ.ބޮޑުފޮޅުދޫ ކައުންސިލެވެ. މި އިންޑެކްސްގެ މަޤްސަދަކީ ކައުންސިލުތަކުން ކުރާ މަސައްކަތްތަކުގެ ފެންވަރު ވަޒަންކޮށް، ޕާރފޯމަންސް ރޭންކް ކަނޑައެޅުމެވެ.